مجلس علماء جھارکھنڈ کے زیر اہتمام سکرہٹومیں اہم نشست منعقد

رانچی: مسجد عائشہ سکر ہٹو ، کانکے میں مجلس علماء جھارکھنڈ کے زیر اہتمام اصلاح معاشرہ کے عنوان سے مولانا صابر حسین مظاہری صدر مجلس علماء جھارکھنڈ کی صدارت میں کانکے بلاک کے مغربی زون میں علماء ائمہ حفاظت و انجمنوں کے ذمہ داران پر مشتمل ایک اہم نشست منعقد ہوئی ۔ نشست کا آغاز حافظ عبد الرحمٰن سکرہٹو کی تلاوت قرآن کریم سے ہوا ، نعت نبی ﷺ کوثر ندوی سیوانی امام و خطیب مسجد عائشہ سکر ہٹو اور قاری صہیب احمد صاحب مدرس مدرسہ عالیہ پترا ٹولی نے پیش کیا ۔ نظامت کے فرائض مولانا عبد المنان قاسمی کانکے بلاک مغربی زون مجلس علماء جھارکھنڈ حضرت مفتی طلحہ ندوی صاحب جنر ل سکریٹری مجلس علماء جھارکھنڈ نے اصلاح معاشرہ کے عنوان سے گفتگو کر تے ہوئے کہا کہ اصلاح معاشرہ کا کام مجلس علماء جھارکھنڈ کا نہیں بلکہ یہ انبیائے کرام کا کام ہے جس کو لیکر مجلس علماء آگے بڑھ رہی ہے۔ اس نشست میں مختلف حضرات کی طرف سے بہت ہی مفید آراء آئیں جن کی روشنی میں مندرجہ ذیل امور انجام پائے ۔ (۱) نکاح کو آسان بنایا جائے ۔ (۲) مساجد میں نکاح کا انعقاد کیا جائے ۔ (۳)نشہ کے خلاف زبر دست تحریک چلائی جائے گی ۔ (۴) اصلاح معاشرہ کے کام کو منظم و مستحکم طریقے سے چلانے کے لیے سکر ہٹو کی سطح پر ایک کمیٹی تشکیل دی گئی ہے ، جس کے کنوینر سلیم ، افروز عالم اور محمد جاوید عالم ہوں گے ۔ (۵) حضرات علماء و خطباء ، جمعہ کے موقع پر اصلاح معاشرہ کو عنوان بنا کر خطاب فرمائیں گے ۔ نشست کا اختتام حضرت مولانا صاحب حسین صاحب مظاہری کے پر مغز خطاب اور دعاء سے ہوا ۔ نشست کو کامیاب بنانے میں انجمن اسلامیہ اصلاح المسلمین مرلی ٹونگری سکر ہٹو کا اہم کر دار رہا ۔ یہ اطلاع بذرعیہ پریس ریلیز مولانا صابر الحسینی صاحب ، صدر مجلس علما ء جھارکھنڈ نے فراہم کرائی ہے ۔