وراٹ کوہلی رانچی پہنچے، شائقین ایک جھلک دیکھنے کے لیے بے تاب

رانچی،جھارکھنڈ کے دارالحکومت رانچی کے جے ایس سی اے کرکٹ اسٹیڈیم میں 30 نومبر کو ہونے والے ہندوستان اور جنوبی افریقہ کے درمیان پہلے ایک روزہ بین الاقوامی (ون ڈے) میچ کے لیے شائقین میں جوش و خروش عروج پرہے۔
ہندوستانی ٹیم کے کھلاڑیوں کی آمد کا سلسلہ جاری ہے۔ اس دوران ٹیم انڈیا کے اسٹار بلے باز وراٹ کوہلی آج صبح رانچی ایئرپورٹ پہنچے۔ کوہلی کے مداح ان کی ایک جھلک دیکھنے کے لیے بے تاب تھے۔ ائیرپورٹ پر انہیں دیکھنے کے لیے لوگوں کی بڑی تعداد جمع ہوگئی۔ سخت سیکورٹی کی وجہ سے وراٹ کو سیدھا ہوٹل ریڈیسن بلو لے جایا گیا۔
اس سے قبل پرشدھ کرشنا، ارشدیپ سنگھ، ہرشیت رانا، اور تلک ورما منگل کی شام دیر گئے رانچی پہنچے تھے۔ تمام کھلاڑیوں کو سخت سیکیورٹی میں ایئرپورٹ سے ہوٹل تک لے جایا گیا۔