چیف سکریٹری اویناش کمار نے وزیراعلیٰ ہیمنت سورین سے ملاقات کی

رانچی: جھارکھنڈ کے وزیر اعلیٰ ہیمنت سورین سے آج راجدھانی رانچی کے کانکے روڈ واقع وزیر اعلیٰ کے رہائشی دفتر میں ریاست کے چیف سکریٹری اوِیناش کمار نے خیرسگالی ملاقات کی۔
اس موقع پر چیف سکریٹری نے وزیر اعلیٰ کو 28 نومبر کو مورہابادی میدان میں ریاستی حکومت کی پہلی سالگرہ کے موقع پر منعقد ہونے والے "ریاستی سطح کے جشن” میں شامل ہونے کے لیے باضابطہ دعوت دی۔
قابل ذکر ہے کہ 28 نومبر 2024 کو ہیمنت سورین نے چوتھی مرتبہ وزیر اعلیٰ کے عہدے کا حلف لیا تھا، اور موجودہ حکومت کے ایک سال مکمل ہونے پر یہ پروگرام منعقد کیا جا رہا ہے۔