جھارکھنڈ نے تریپورا کو 8وکٹوں سے ہرایا،ایشان کشن کی سنچری

رانچی /احمد آباد:(ایجنسی) کپتان ایشان کشن نےناٹ آؤٹ 113 رنز کی شاندار اننگز کھیل کر جھارکھنڈ کو سَیّد مشتاق علی ٹرافی کے ایلیٹ گروپ ڈی مقابلے میں تِریپورہ پر شاندار فتح دلائی۔ جھارکھنڈ نے 183 رنز کے ہدف کا تعاقب کرتے ہوئے صرف 17.3 اوورز میں دو وکٹیں گنوا کر 185 رنز بنا کر مقابلہ آٹھ وکٹوں سے اپنے نام کر لیا۔جھارکھنڈ کی شروعات عمدہ نہیں رہی اور اس نے اپنا پہلا وکٹ صرف چھ رنز پر اور دوسرا وکٹ 32 رنز پر گنوا دیا۔ لیکن اس دوران ایشان کشن نے ایک کنارے کو تھامے رکھا اور تیز رفتاری سے رنز بنائے۔ ایشان نے 50 گیندوں میں 10 چوکے اور 8 چھکے کی مدد سے ناٹ آؤٹ 113 رنز بنائے۔ ان کے ساتھ ویراٹ سنگھ نے 40 گیندوں میں چار چوکے اور ایک چھکے کی مدد سے ناٹ آؤٹ 53 رنز بنائے۔ تِریپورا کی جانب سے وکی ساہا اور سوربھ داس نے ایک ایک وکٹ حاصل کی۔میچ کے آغاز میں جھارکھنڈ نے ٹاس جیت کر پہلے بولنگ کرنے کا فیصلہ کیا۔ تِریپورا نے مقررہ 20 اوورز میں سات وکٹوں کے نقصان پر 182 رنز بنا کر ایک چیلنجنگ ہدف دیا۔ ٹیم کے اہم بلے بازوں میں وجے شنکر نے 41 گیندوں میں 59، بکرم کمار داس نے 29 گیندوں میں 42 اور کپتان منیشکر موراسنگھ نے 21 گیندوں میں 42 رنز بنائے۔ جھارکھنڈ کی جانب سے وِکاس سنگھ اور انکُل رائے نے دو دو وکٹیں حاصل کیں، جبکہ سوربھ شیکھر، اتکرش سنگھ اور بال کرشن نے ایک ایک وکٹ لی۔
ٹورنامنٹ کے دیگر مقابلوں میں:-
گجرات نے ہر یانہ کو چار وکٹوں سے ہرا دیا۔ سورَو چوہان کو 52 گیندوں میں ناٹ آؤٹ 81 رنز کی کاکردگی پر مین آف دی میچ قرار دیا گیا۔ وشال جیسوال نے 19 گیندوں میں 23 رنز بنائے۔ گجرات نے چھ وکٹوں پر 143 رنز بنا کر مقابلہ جیتا۔ ہر یانہ کی جانب سے انشول کمبوج اور سُمِت کمار نے دو دو وکٹیں حاصل کیں۔ریلوے نے کپتان کرن شرما کے شاندار کھیل کے ساتھ آسَام کو دو گیندیں قبل تین وکٹوں سے شکست دی۔ کرن شرما نے 24 رنز ناٹ آؤٹ اور دو وکٹیں حاصل کیں۔آسام نے پہلے بیٹنگ کرتے ہوئے سات وکٹوں کے نقصان پر 132 رنز بنائے۔ اہم بلے بازوں میں ساحل جین نے 38، شیو شنکر رائے نے 30، نہار ڈیکا نے 27، عبدالعزیز قریشی نے 18 اور کپتان ریان پراگ نے 14 رنز بنائے۔جواب میں اترے ریلوے کے لیے اکشت پانڈے نے 36 اور محمد سیف نے 29 رنز بنائے، جبکہ کپتان کرن شرما نے ناٹ آؤٹ24 رنز کے ساتھ ٹیم کو 19.4 اوورز میں سات وکٹوں پر 135 رنز بنا کر میچ جتوایا، یوں ریلوے نے آسَام کو تین وکٹوں سے شکست دی۔ کیرالا نے چھتیس گڑھ کو صرف 10.4 اوورز میں آٹھ وکٹوں سے ہرا دیا۔ کپتان سنجو سیمسن نے 15 گیندوں میں 43، روہن کننمل 17 گیندوں میں 33، وشنو ونود 14 گیندوں میں 22ناٹ آؤٹ اور سلمان نیجار نے 16ناٹ آؤٹ رنز بنائے۔ چتّیس گڑھ کی ٹیم صرف 120 رنز پر 19.5 اوورز میں آؤٹ ہو گئی۔یہ میچز نہ صرف کھلاڑیوں کی مہارت بلکہ ان کی تیز رفتار اور جارحانہ بیٹنگ کے جذبے کا ثبوت ہیں، جو سَیّد مشتاق علی ٹرافی کو مزید دلچسپ اور یادگار بنا رہے ہیں۔