جھارکھنڈ اسٹیٹ کرکٹ ایسوسی ایشن رانچی میں 30 نومبر 2025 کو ہندوستان اور جنوبی افریقہ کے درمیان پہلے میچ کی تنظیم کے حوالے سے اہم میٹنگ

کرکٹ میچ کے دوران متوقع بھاری ہجوم کو مدنظر رکھتے ہوئے ٹریفک اور سیکورٹی کے انتظامات پر خصوصی زور
ہمارا مقصدصرف کھیل شائقین کے لیے یادگار بنانا نہیں بلکہ رانچی کی شبیہ کو بھی مضبوط کرنا ہے:ڈی سی رانچی
عوامی نیوز نمائندہ
رانچی:آج 12 اکتوبر 2025 کو ڈپٹی کمشنر کم ڈسٹرکٹ مجسٹریٹ رانچی، شری منجوناتھ بھجنتری کی صدارت میں اہم میٹنگ منعقد ہوئی ۔جس میں 30 نومبر 2025 کو جھارکھنڈ اسٹیٹ کرکٹ ایسوسی ایشن (جے ایس سی اے) اسٹیڈیم، دھروا، رانچی میں ہونے والے ہندوستان اور جنوبی افریقہ کے درمیان ہونے والے ون ڈے میچ کے انعقاد کے سلسلے میں منعقد کیا گیا۔بیٹھک میں ایس ایس پی رانچی،سٹی ایس پی،ٹریفک ایس پی،ڈیویزنل افسر،اے ڈی ایم، جے ایس سی اے کے صدر اجے ناتھ شاہد دیو، سکریٹری، سوربھ تیواری۔،اور دیگر متعلقہ افسران میٹنگ میں موجود تھے۔کرکٹ میچ کے دوران متوقع بھاری ہجوم کو مدنظر رکھتے ہوئے ٹریفک اور سیکورٹی کے انتظامات پر خصوصی زور دیا گیا۔ڈی سی نے امن و امان برقرار رکھنے کے لیے مجسٹریٹس اور پولیس افسران کے ڈیپوٹیشن، ٹریفک مینجمنٹ اور دیگر ضروری انتظامات پر تفصیلی تبادلہ خیال کیا۔ ڈپٹی کمشنر نے متعلقہ حکام کو ہدایت کی کہ تمام انتظامات کو احسن طریقے سے انجام دیا جائے تاکہ تماشائیوں اور کھلاڑیوں کو کسی قسم کی پریشانی کا سامنا نہ کرنا پڑے۔ڈپٹی کمشنر نے یہ بھی یقین دلایا کہ ضلعی انتظامیہ جے ایس سی اے کو ہر ممکن تعاون فراہم کرے گی تاکہ رانچی میں اس بین الاقوامی کرکٹ میچ کا شاندار اور منظم انداز میں انعقاد یقینی بنایا جا سکے۔ انہوں نے کہا کہ ہمارا مقصد اس ایونٹ کو نہ صرف کھیلوں کے شائقین کے لیے یادگار بنانا ہے بلکہ ایک بہترین میزبان کے طور پر رانچی کی شبیہ کو مزید مضبوط کرنا ہے۔جے ایس سی اے کے صدر اجے ناتھ شاہد دیو نے ضلع انتظامیہ کے تعاون کی ستائش کی اور کہا کہ اس طرح کی مربوط تیاریاں ایونٹ کی کامیابی کو یقینی بنائے گی۔ سکریٹری مسٹر سوربھ تیواری نے اس موقع پر اسٹیڈیم کی تیاریوں اور دیگر انتظامات کے بارے میں بھی معلومات شیئر کیں۔