یوم پیدائش 19 نومبر پر خاص
ممبئی: بالی ووڈ کی تجربہ کار اداکارہ زینت امان آج 74 برس کی ہوگئیں ۔زینت امان ایک ہندستانی اداکارہ اور ماڈل ہیں جو بنیادی طور پر ہندی فلموں میں کام کرتی ہیں۔ ہندی سنیما کی صفِ اول کی اداکاراؤں میں شمار کی جانے والی زینت امان اپنے دور کی سب سے زیادہ معاوضہ لینے والی اداکاراؤں میں شامل تھیں اور میڈیا میں انہیں سیکس سمبل بھی کہا جاتا ہے۔
زینت امان 19 نومبر 1951 کو جرمنی میں پیدا ہوئیں ۔ ان کے والد امان اللہ خان نے مغل اعظم اور پاکیزہ جیسی سپر ہٹ فلموں کے مکالمہ نگارتھے۔ صرف 13 سال کی عمر میں زینت کے والد کا سایہ ان کے سر سے اٹھ گیا ۔ امان اللہ کی والدہ، اختر جہاں بیگم، بھوپال کے آخری نواب حمید اللہ خان کی پہلی کزن تھیں۔ پھر ان کی ماں انہیں جرمنی لے گئی ۔ تقریباً پانچ سال جرمنی میں رہنے کے بعد صرف 18 سال کی عمر میں زینت ممبئی چلی گئیں ۔ ممبئی آنے کے بعد ، زینت نے سینٹ زیویئر کالج سے گریجویشن مکمل کی اور مزید تعلیم کے لیے امریکہ کی یونیورسٹی آف کیلیفورنیا میں داخلہ لیا ۔
زینت امان نے اپنے کیریئر کا آغاز ایک صحافی کے طور پر مشہور میگزین ‘فیمینا’ سے کیا تھا لیکن جلد ہی ان کا دماغ اس سے اکتا گیا اور ماڈلنگ کے میدان میں چلی گئیں ۔ سال1970 میں زینت نے فیمنا مس انڈیا مقابلے میں حصہ لیا جہاں وہ دوسری پوزیشن پر آئیں اور ’فرسٹ پرنسس‘ کا خطاب پایا۔ اس کے بعد انہوں نے مس ایشیا پیسیفک انٹرنیشنل مقابلہ جیتا، اور ایک ہی وقت میں دونوں خطابات رکھنے والی پہلی خاتون بنیں۔
سال 1970 کی دہائی میں فلمی میگزین سنی بلٹز کا پہلا شمارہ زینت امان کی تصویر سے مزین تھا۔1973 میں انہوں نے ہیرا پنا اور ناصر حسین کی فلم یادوں کی بارات میں کام کیا، جسے فلمی ماہرین نے ’’پہلی خالص بالی وڈ فلم‘‘ قرار دیا۔ فلم بہت بڑی کامیابی تھی اور گانے "چورا لیا ہے تم نے جو دل کو” میں ان کی کارکردگی نے انہیں بےحد مقبول کر دیا۔اسی سال فلم دھند (1973) میں انہوں نے سنجے خان اور ڈینی کے ساتھ کام کیا۔ یہ فلم اگاتھا کرسٹی کے ناول غیر متوقع مہمان سے متاثر تھی اور تجارتی طور پر کامیاب رہی۔
زینت امان کو پہلی مرتبہ شہرت فیمنا مس انڈیا مقابلۂ حسن جیتنے اور مس ایشیا پیسیفک انٹرنیشنل 1970 کا خطاب حاصل کرنے کے بعد ملی۔ اسی سال انہوں نے فلموں میں قدم رکھا ۔ستر کی دہائی میں انہوں نے تیزی سے شہرت حاصل کی اور متعدد کامیاب فلموں میں مرکزی کردار ادا کیے۔
صرف 1971 میں ہی زینت کو ایک بار پھر رلہن کے ساتھ فلم ہنگامہ میں کام کرنے کا موقع ملا ۔ بدقسمتی سے ان کی دونوں فلمیں ٹکٹ ونڈو پر ناکام رہیں ۔ زینت امان کی ابتدائی کامیابی سال 1971 میں ریلیز ہونے والی فلم ‘ہرے راما ہرے کرشنا’ سے ملی۔ زینت امان نے فلم میں دیو آنند کی بہن کا کردار ادا کیا ۔ زینت امان نے اس فلم میں اپنی اداکاری کے لیے بہترین معاون اداکارہ کا ایوارڈ جیتا ۔
ہدایت کار ناصر حسین کی 1973 میں ریلیز ہونے والی فلم ‘یادوں کی بارات’ پردہ سیمیں آئی۔ بہترین گانے-موسیقی اور اداکاری کے ساتھ اس فلم کی کامیابی نے زینت امان کو ایک اسٹار کے طور پر قائم کیا ۔ فلم میں ان پر فلمایا گیا یہ گانا ‘چورا لیا ہے تم نے جو دل کو’ آج بھی سامعین کو مسحور کرتا ہے ۔ سال1974 میں انہوں نے منوج کمار کی فلم روٹی کپڑا اور مکان میں شیتل کا کردار ادا کیا، جو ایک موقع پرست عورت تھی۔ اسی برس انہوں نے دیو آنند کے ساتھ پریم شاستر اور عشق عشق عشق میں بھی کام کیا۔ سال1975 میں انہوں نے ایک قاتلہ کا کردار فلم ورانٹ میں ادا کیا، اورچوری میرا کام فلم میں میں ’شرمیلی کر دار ادا کیا ۔ یہ دونوں فلمیں کامیاب رہیں۔
