انجمن اسلامیہ رانچی نے SIRپرہیلپ سینٹرکرہیلپ لائن نمبر جاری کیا

رانچی:انجمن اسلامیہ رانچی نے ایس آئی آر پر انجمن مسافر خانہ میں ہیلپ سینٹربنایا ہے۔ ساتھ ہی ہیلپ لائن نمبر جاری کیا ہے۔ 7070393065/ 6205433192ہے۔ اس نمبر پر صبح دس بجے سے لیکر شام کے پانچ بجے تک کام ہوگا۔آج انجمن اسلامیہ اسٹیڈی سینٹرمیں ایک پریس کانفر نس کر انجمن اسلامیہ کے جنرل سکریٹری ڈاکٹر طارق ، نوشاد،محمد لطیف،ایوب راجا خان نے مشترکہ طور پر کہاکہ ایس آئی آر پر کسی کو بھی گھبرانے کی ضرورت نہیں ہے۔ڈاکٹر طارق نے بتایاکہ سنیچر سے یہ ایس آئی آر سیوا انجمن اسلامیہ رانچی میں شروع ہوگی۔ جہاں ہمارے دو ایس آئی آر کے جانکار ہیلپ سینٹرمیں اپنی خدمات دیں گے۔نائب صدر محمد نوشاد نے کہاکہ ہم لوگ ایس آئی آر ہیلپ سینٹرشروع کیا گیا ہے جو چلتا رہے گا اور ہم ہمیشہ عوام کے خدمت میں رہیںگے۔وہیں ایوب راجا خان نے بتایاکہ ایس آئی آرسے کوئی بھی گھبرائے نہیں۔ 2003 کے ووٹر لسٹ میں نام تلاش کرنے کے لیے انجمن آ جائے یہاں جو لوگ بیٹھے ہیں وہ سب کر دیںگے۔محمد لطیف نےکہاکہ ایس آئی آر سیوا انجمن اسلامیہ رانچی کی ایک کوشش ہے کہ لو گوں کو بیدار کرنے اور ووٹر فہرست میں بی ایل او سے میپنگ کروانے کی ۔جس میں انجمن اسلامیہ کی ٹیم مدد کرے گی۔