روہت شرما نے ون ڈے میں سب سے زیادہ چھکے مارنے کا عالمی ریکارڈ قائم کر دیا

رانچی،: سابق کپتان روہت شرما نے آج جھارکھنڈ اسٹیٹ کرکٹ ایسوسی ایشن اسٹیڈیم، رانچی میں ہندوستان اور جنوبی افریقہ کے درمیان پہلے ایک روزہ میچ میں تین چھکے لگاتے ہوئے ون ڈے کرکٹ میں سب سے زیادہ چھکے مارنے کا ورلڈ ریکارڈ بنا لیا ہے۔اب روہت شرما کے نام 277 ون ڈے میچوں میں 352 چھکے ہیں۔ یہ ریکارڈ پہلے پاکستان کے شاہد آفریدی کے پاس تھا، جنہوں نے 398 میچوں میں 351 چھکے لگائے تھے۔روہت شرما نے اب تک 503 انٹرنیشنل میچوں میں 19،959 رنز بنائے ہیں اور انٹرنیشنل کرکٹ میں 20 ہزار رنز کے سنگ میل سے صرف 61 رنز دور ہیں۔ اس سے قبل یہ کارنامہ صرف سچن تیندولکر، ویراٹ کوہلی اور راہول ڈریوڑ نے حاصل کیا ہے۔جنوبی افریقہ کے خلاف، روہت نے 56 میچوں میں 61 چھکے لگائے ہیں۔گھریلو میدانوں پر روہت نے اب تک 95 ون ڈے میچوں میں 4،924 رنز بنائے ہیں۔ اگلے میچ میں اگر وہ 76 رنز بناتے ہیں تو وہ گھریلو میچوں میں 5 ہزار رنز بنانے والے تیسرے ہندوستانی بلے باز بن جائیں گے۔ٹیسٹ اور ٹی-20 سے ریٹائر ہونے کے بعد، روہت صرف ون ڈے میں کھیلتے ہیں۔ ان کے تینوں فارمیٹس میں مجموعی چھکوں کی تعداد 645 چھکے ہیں ۔ٹیسٹ: 67 میچوں میں 88 چھکے۔ون ڈے: 277 میچوں میں 352 چھکے۔ٹی-20: 159 میچوں میں 205 چھکے۔رانچی میں پہلے ون ڈے میچ میں، روہت شرما نے 51 گیندوں میں پانچ چوکے اور تین چھکوں کی مدد سے 57 رنز بنائے اور شائقین کے دل جیت لیے۔