آٹھ دسمبر سے بغیر ہیلمٹ کے پیٹرول مہیا نہیں کیا جائے گا موٹر سائیکل سواروں کے خلاف قانونی کارروائی کا حکم

کولکاتا5دسمبر:کولکاتہ پولیس نے موٹر سائیکل ڈرائیوروں پر مقدمات بڑھاتے ہوئے ایک نیا اصول نافذ کیا ہے۔ ایسے لوگوں کو پیٹرول دینے سے منع کیا جائے گا ، جو ہیلمٹ پہنے بغیر ہی گاڑی میں پٹرول بھرنے آتے ہیں۔کولکاتہ پولیس کا ’کوئی ہیلمیٹ ، کوئی پٹرول نہیں‘ پہل 8 دسمبر سے کولکاتہ اور جنوبی 24 پرگنہ ضلع (جو کولکاتہ پولیس کے دائرہ اختیار میں آتا ہے) کے ملحقہ علاقوں میں نافذ ہوگا۔کمشنر پولیس انوج شرما کے دستخط شدہ ایک آرڈر میں کہا گیا ہے کہ ہیلمٹ نہیں، پٹرول نہیں کولکاتہ پولیس کے دائرہ اختیار میں لاگو کیا جائے گا ، لہذا کوئی بھی پٹرول پمپ بغیر ہیلمٹ والے دو پہیﺅں کوپیٹرول فروخت نہیں کرے گا۔پولیس کے مطابق چالان کاٹنے اور موٹرسائیکل سواروں پر بغیر ہیلمٹ کے سخت کارروائی کرنے کے باوجود خلاف ورزی کرنے والوں کی تعداد میں اضافہ ہوا ہے۔ حکم نامے میں کہا گیا ہے کہ بہتر سڑک کے نظم و ضبط کو یقینی بنانے اور ٹریفک قوانین کی خلاف ورزی کرنے والوں کو روکنے کے لئے ، حکم کے مطابق سخت اقدامات کرنے کی ضرورت ہے۔ نیا قاعدہ 5 فروری 2021 ءتک 60 دن تک نافذ رہے گا۔