سڑک پر 500 اور دو ہزارکے نوٹ ملنے سے ہلچل

شمالی دیناج پور ،13،مئی:شمالی دیناج پور ضلع کے رائے گنج بلدیہ کے علاقے میں گزشتہ صبح سڑک پر بکھرے ہوئے 500 اور 2000 روپے کے نوٹوں کے واقعے کی وجہ سے اس علاقے میں ہلچل مچ گئی۔ جیسے ہی سڑک پر رقم کی اطلاع ملی۔ رائے گنج پولس اسٹیشن کی پولس موقع پر پہنچ گئی اور واقعے کی چھان بین شروع کردی۔ ابھی تک کسی نے بھی گمشدہ یا گمشدگی کی شکایت درج نہیں کرائی ہے۔ دوسری طرف مقامی لوگوں نے لاک ڈاﺅن کے دوران نوٹ سڑک پر بکھرے ہونے کے بارے میں تھانے میں تحریری شکایت درج کروائی ہے۔ رائے گنج تھانہ کے آئی سی نے بتایا کہ رائے گنج بلدیہ کے بندر علاقے میں آج صبح سڑک پر 500 اور 2000 روپے کے نوٹ کا ایک واقعہ سامنے آیا ہے۔ انہوں نے بتایا کہ پولس نے واقعے کی تحقیقات شروع کردی ہیں۔معلومات کے مطابق رائے گنج بلدیہ کے بندر کے علاقے میں آج صبح سڑک پر 500 اور 2000 روپے کے نوٹ بکھرے ہوئے تھے۔ سڑک پر ان نوٹ کو دیکھ کر ، کچھ لوگوں نے اسے اٹھایا اور اسے جیب میں ڈال دیا۔ دوسری طرف ، لوگوں نے خوفزدہ ہونا شروع کردیا کہ پیسوں کی مدد سے لوگوں میں کورونا وائرس پھیلانے کی ایسی کوئی سازش نہیں ہے۔ لوگوں نے اس بارے میں پولس کو آگاہ کیا۔ پولس نے موقع پر پہنچ کر یہ نوٹ اپنے قبضہ میں کرلیا۔ دوسری طرف رائے گنج بلدیہ کے چیئرمین سندیپ بسواس نے دعوی کیا ہے کہ مرغی کے ایک تاجر کا پیسہ سڑک پر پڑا ہوگا۔ انہوں نے کہا کہ کسی کو بھی اس واقعہ سے گھبرانے کی ضرورت نہیں ہے۔ رائے گنج پولس واقعے کی تحقیقات کر رہی ہے۔ واقعے کو علاقے کے ایک مکان میں نصب سی سی ٹی وی کیمرے میں قید ہو گیا ہے ۔ سی سی ٹی وی فوٹیج میں دیکھا گیا ہے کہ موٹرسائیکل سے سڑک پر نوٹ پھینکاجا رہاہے ۔