کولکاتا،23جولائی: مغربی بنگال میں 2021 میں اسمبلی انتخابات ہونے جارہاہے ۔ اس انتخاب کو سامنے رکھتے ہوئے وزیر اعلیٰ اور ترنمول کانگریس (ٹی ایم سی) کی سپریمو ممتا بنرجی نے جمعرات کو ایک اہم اجلاس کیا۔ اجلاس میں پارٹی تنظیم میں بڑے پیمانے پر تبدیلی کا اعلان کیا گیا۔اگلے سال ہونے والے اسمبلی انتخابات کو مدنظر رکھتے ہوئے ، بی جے پی پہلے ہی پوری طاقت کے ساتھ میدان میں اتر چکی ہے۔ امت شاہ سے لے کر پارٹی صدر جے پی نڈا اور بی جے پی کے تمام بڑے قائدین نے اپنی توجہ مغربی بنگال پر مرکوز رکھی ہے۔ بی جے پی کی تیاریوں کو دیکھ کر ممتا بنرجی بھی میدان میں کود پڑی ہیں۔ وہ الیکشن سے بہت پہلے اپنی پارٹی کی کمزوریوں کو بھی دور کرنا چاہتی ہیں۔ اس مقصد کےلئے انہوں نے جمعرات کو پارٹی کا اجلاس منعقد کیا۔اجلاس میں تنظیم میں وسیع پیمانے پر تبدیلیاں کرنے کا فیصلہ کیا گیا۔ نئے چہروں کو بڑی ذمہ داری سونپی گئی ہے۔ کچھ پرانے چہرے بدل دیئے گئے ہیں۔ ٹی ایم سی کی 21 رکنی نئی کمیٹی کا اعلان کردیا گیا ہے۔ جس میں بہت سے نئے چہروں کو شامل کیا گیا ہے ، کچھ پرانے رہنماو¿ں کو کمیٹی سے ہٹا دیا گیا ہے۔اروپ رائے کو کولکاتا سے وابستہ ہوڑہ ضلع کے ٹی ایم سی صدر کے عہدے سے ہٹا دیا گیا ہے۔ ان کی جگہ ، نوجوان رہنما سابق کرکٹر اور ریاستی حکومت کے وزیر لکشمی رتن شکلا کو ضلعی صدر کے عہدے کی ذمہ داری سونپی گئی ہے۔وزیر اعلی ممتا بنرجی کے قریبی رہنے والی راجیہ سبھا کے رکن پارلیمنٹ ارپیتا گھوش کا درجہ نیچے آگیا ہے۔ جنوبی دیناج پور ضلع ترنمول صدر کی ذمہ داری ان کے ہاتھ سے لے لی گئی ہے۔ گوتم داس کو جنوبی دیناج پور ضلع ترنمول کانگریس کا نیا صدر بنا دیا گیا ہے۔مہووا میترا 2019 کے لوک سبھا انتخابات میں رکن پارلیمنٹ بن گئیں ہیں۔ نوجوان اور پرجوش رہنمانے لوک سبھا میں اپنی تقاریر کے ذریعہ ملک بھر میں اپنے کئی مداح پیدا کیے ہیں۔ ممتا بنرجی نے مہووا میترا کو ندیا ضلع ترنمول کانگریس کا صدر مقرر کیا ہے۔پارتھو پریتم رائے کو کوچ بہار ضلع ٹی ایم سی صدر مقرر کیا گیا ہے۔ ایک بار نکسلیوں کے قریب رہنے والے چھتردھر مہتو کو اب ترنمول کانگریس کی فرنٹ لائن کے رہنما کے طور پر دیکھا جائے گا۔ انہیں پارٹی کی نئی تشکیل شدہ ریاستی کمیٹی میں شامل کیا گیا ہے۔ترنمول کی نئی کور کمیٹی کا اعلان کردیا گیا ہے۔ جس میں لوک سبھا ممبر پارلیمنٹ ابھیشیک بنرجی ، ممتا بنرجی کے بھتیجے ، ریاستی حکومت کے ہیوی ویٹ وزیر ، شبھندو ادھیکاری ، فرہاد حکیم ، پارتھو چٹرجی ، سبرت مکھرجی ، سبودھ پانڈے ، اروپ بسواس ، گوتم دیب کو جگہ دی گئی ہے۔ ان کے علاوہ ممبران پارلیمنٹ سدیپ بندوپادھیائے ، ڈریک اوبرائن ، کلیان بنرجی ، کاکولی گھوش دستیدار ، شانتا چھتری ، ارپیتا گھوش اور ندیم الحق کو بھی کمیٹی میں شامل کیا گیا ہے۔ سابق ممبران پارلیمنٹ ہیتن برمن ، ممتا ٹھاکر ، مریگنک مہتو ، وویک گپتا اور ٹی ایم سی ایس ٹی سیل کے سابق صدر دیبو ٹوڈو کو بھی اس کور کمیٹی میں جگہ ملی ہے۔ پارٹی کی راجیہ سبھا کے رکن پارلیمنٹ سبرت بخشی کو کور کمیٹی کا کنوینر بنایا گیا ہے۔لوک سبھا انتخابات میں شمالی بنگال میں ترنمول کانگریس کا نتیجہ کافی خراب تھا۔ لہٰذا یہ توقع کی جارہی تھی کہ اسمبلی انتخابات سے قبل ، ٹی ایم سی سپریمو تنظیم میں تبدیلیاں لائے گی۔ پارٹی رہنماو¿ں اور کارکنوں کو امید ہے کہ ریاستی حکومت کے کام کی بدولت ترنمول کانگریس 2021 میں بنگال پر حکمرانی کےلئے ہیٹ ٹرک مکمل کرےگی۔واضح رہے کہ جمعرات کو پارٹی تنظیم میں بڑے پیمانے پر ردوبدل کا اعلان کیا گیا۔ترنمول سپریمو نے نوجوان اور نئے چہروں کو قیادت کی ذمہ داری سونپی ہے۔ پارٹی ذرائع نے یہ اطلاع دی۔ انہوں نے کہا کہ پارٹی کے اجلاس میں ممتا نے 21 ممبروں کی نئی ریاستی کمیٹی اور سات ممبروں کی ایک کور کمیٹی کا اعلان کیا۔ پارٹی کے ایک سینئر رہنما نے بتایا کہ اس کے علاوہ ہوڑہ ، کوچ بہار ، پرولیا ، ندیا ، جھا ڑگرام اور جنوبی دیناج پور سمیت متعدد اضلاع میں پارٹی صدور کو ہٹا دیا گیا ہے۔ ذرائع نے بتایا کہ نئے اور نوجوان چہروں کو موقع دیا گیا ہے۔ لکشمی رتن شکلا ، پرتھا پریتم رائے ، گروپڈ ٹڈو اور مہوءموئترا کو ان اضلاع کا چارج دیا گیا ہے۔
Comments are closed.