کروڑ روپئے3 اکاﺅنٹ سے اڑانے کی کوشش میں جعلساز گرفتار

کولکاتا،4اگست:بدھان نگر سائبر کرائم پولس نے ایک جعلساز شخص کو گرفتار کیا ہے جو لوگوں کے بینک اکاو¿نٹ کو انتہائی شاطرانہ انداز میں لوٹ رہا تھا۔ پولس نے منگل کو سالٹ لیک میں نجی بینک کے صارف کے اکاونٹ سے تقریبا 3 کروڑ روپئے غائب کرنے کے ملزم کو گرفتار کرلیا۔ اس کا نام سمیران سہا بتایا گیا ہے۔ شمالی چوبیس پرگنہ ضلع کھرداہ کا رہائشی سمیران نوادرات کا سامان فروخت کرتا ہے۔ پولس کو شبہ ہے کہ اس گروہ میں اور بھی بہت سے لوگ شامل ہیں۔ پولس نے گینگ کے باقی ممبروں کی تلاش شروع کردی ہے۔ پولس ذرائع کے مطابق30 جولائی کو سالٹ لیک کے سیکٹر پانچ میں واقع ایک نجی بینک کے ریجنل منیجر نے پولس کو شکایت کی تھی کہ اس کے باگوئی اٹی برانچ سے ایک صارف کے اکاو¿نٹ سے تقریبا 3 کروڑ روپے مختلف اکاو¿نٹس میں منتقل کردیئے گئے ہیں۔ الزامات کی بنیاد پر پولس نے ابتدائی تفتیش کی اور وہیں بدھان نگر سائبر کرائم نے بھی تفتیش شروع کردی۔ تفتیش کے دوران پولس نے کھردہ کے رہائشی سمیران سہا کو گرفتار کیا اور دوران تفتیش یہ پتہ چلا کہ ملزم نے پہلے بینک کے مذکورہ صارف کی تفصیلات جمع کیں۔ اس کے بعد وہ بینک گیا اور اپنے آپ کو اکاو¿نٹ ہولڈر بتاتے ہوئے خود کو تمام معلومات فراہم کرنے کے بعد بینک سے ای میل آئی ڈی اور موبائل نمبر تبدیل کرنے کی درخواست کی۔ اس کے مطابق نمبر اور میل آئی ڈی کو تبدیل کردیا گیا تھا۔ پھر اس نے اسی گاہک کے اکاو¿نٹ سے رقم مختلف اکاو¿نٹس میں منتقل کرکے اسی بینک کی ایپ ڈاو¿ن لوڈ کی۔ اسی طرح اس نے سارا کھاتہ صاف کردیا۔ چونکہ ایس ایم ایس الرٹ نمبر پہلے تبدیل کردیا گیا تھا لہذا اصلی اکاو¿نٹ رکھنے والے کو کچھ پتہ نہیں تھا۔ سوال صرف یہاں سے پیدا ہوتا ہے۔ اس جعل ساز نے مذکورہ کسٹمر کی تفصیلات کیسے حاصل کیں؟ کیا اس سب کے پیچھے کوئی بینک ملازم ملوث ہے؟ پولس افسران ان تمام چیزوں کی تحقیقات کر رہی ہے۔ پولس بھی اس بات کا پتہ لگانے میں مصروف ہے کہ اس جعلی گروہ میں اور کون ملوث ہے۔