مالدہ،16،جون : پولیس نے انجینئرنگ کالج کی ایک طالب علم کو نابالغ لڑکی کی فحش تصاویر سوشل میڈیا پر وائرل کرنے کے الزام میں گرفتار کرلیا۔ منگل کی صبح مالدہ سائبر کرائم پولس نے ملزم انجینئرنگ کے طالب علم کو گرفتار کیا۔ جب سے یہ واقعہ سامنے آیا ہے اس علاقے میں ہلچل مچی ہوئی ہے۔ ملزم طالب علم کو بلیک میل کرنے ، طالب علم کی فحش تصاویر سوشل میڈیا پر وائرل کرنے سمیت مختلف الزامات کے خلاف مالدہ تھانہ سائبر کرائم میں مقدمہ درج کیا گیا ہے۔ منگل کے روز پولس نے ملزم کو مالدہ عدالت میں پیش کیا ہے اور عدالت سے استدعا کی ہے کہ وہ انھیں سات دن کے ریمانڈ پردے۔ پولس ذرائع کے مطابق ملزم انجینئرنگ کے طالب علم کا نام تنمئے منڈل (20) ہے۔ اس کا تعلق مالدہ شہر کے علاقے سنی پارک سے ہے۔ متاثرہ کا گھر مالدہ شہر کے علاقے سنگاتلا میں ہے۔ تاہم پولس نے تفتیش کے پیش نظر طالبہ کے بارے میں مزید معلومات دینے سے انکار کردیا۔ سائبر کرائم پولس اسٹیشن کے ایک پولس افسر نے بتایا کہ طالب علم نے اپنے موبائل فون میں کچھ خفیہ تصاویر محفوظ کی تھیں۔ انہوں نے یہ تصویر اپنے ایک دوست انوراگ مکھرجی کو دی۔ انوراگ مکھرجی کا گھر بھی طالب علم کے علاقے میں ہے۔ اس واقعے میں ، تنما منڈل کو انوراگ کے موبائل سے لڑکی کی قابل اعتراض تصویر ملی۔ اس کے بعد اس نے مختلف طریقوں سے طالب علم کو بلیک میل کرنا شروع کردیا۔ بعد میں لڑکی کے لواحقین کو اس بارے میں بھنک ملی۔ اس کے بعد سوموار کی رات طالبہ کی والدہ نے تنمئے منڈل کے خلاف مالدہ سائبر کرائم پولیس اسٹیشن میں مقدمہ درج کیا۔ پولس نے بتایا کہ ملزم طالب علم کولکاتا کے نجی انجینئرنگ کالج کا فرسٹ ایئر کا طالب علم ہے۔ لاک ڈاو¿ن کی وجہ سے وہ فی الحال مالدہ میں مقیم ہے۔ ایس پی الوک راجوریہ نے بتایا کہ واقعے کی تحقیقات کا آغاز کردیا گیا ہے۔
Comments are closed.