بی جے پی ضلع صدر اور ڈی وائی ایف آئی رہنما گرفتار

جلپائی گوڑی ،11،مئی: سوموار کے روزبی جے پی کے جلپائی گوڑی ضلع صدر کسانوں کیلئے پنشن کی مانگ کو لیکر ضلع ڈی ایم کو میمورنڈم دینے جارہے تھے۔اس دوران پولس نے مختلف بی جے پی صدر باپی گوسوامی کو گرفتار کر لیا۔بی جے پی رہنما آج ضلعی مجسٹریٹ کے دفتر جا رہے تھے تاکہ کاشتکاروں کو پنشن کا مطالبہ کرتے ہوئے ایک میمورنڈم دیا جائے۔ دوسری جانب ڈی وائی ایف آئی رہنما ، جو دیگر ریاستوں میں پھنسے مزدوروں کی گھرواپسی کا مطالبہ کیساتھ ڈی ایم کو میمورنڈم دینے جارہے تھے۔انہیں بھی پولس نے آج گرفتار کرلیا۔ ان دونوں واقعات کو لے کر آج جلپائی گوڑی ضلع میں وسیع پیمانے پر سیاسی کشیدگی دیکھی گئی۔ معلومات کے مطابق بی جے پی اور ڈی وائی ایف آئی کے کل 10 رہنماو¿ں کو دو الگ الگ معاملے کے تحت سوموار کو جلپائی گوڑی میں گرفتار کیا گیا ۔ جلپائی گوڑی ضلع رہنما مختلف مطالبات پرمشتمل عرضداشت لیکراپنے سات حامیوں کے ساتھ ڈی ایم کے دفتر جارہے تھے۔اسی دوران پولس پہنچی اور انہیںتھانے لے آئی بعد ازاں انہیں گرفتار کرلیا۔انہوں نے کہا کہ بی جے پی غریبوں کی فلاح و بہبود کےلئے احتجاج کرتی رہے گی اور اس طرح پولس کو گرفتار کرنا یا انہیں ہراساں کرنا ان کا احتجاج بند نہیں کرسکتا۔ دوسری طرف ڈی وائی ایف آئی کے جلپائی گوڑی ضلع صدر پردیپ ڈے نے بتایا کہ وہ دیگر تمام ریاستوں کے کارکنوں کو بنگال واپس بلانے سمیت مختلف مطالبات پر میمورنڈم دینے کےلئے ضلع مجسٹریٹ کے دفتر جارہے تھے تو اسی دوران پولس نے انہیں راستے میں گرفتار کرلیا۔