مسلسل بارش کے سبب گرمی سے راحت

کولکاتا،یکم،اکتوبر: کولکاتاسمیت پوری ریاست میں جاری شدید بارش نے درجہ حرارت میں کمی کا آغاز کردیا ہے۔علی پور میں محکمہ موسمیات کے علاقائی دفتر کی طرف سے جاری کردہ ایک بیان میں کہا گیا ہے کہ دارالحکومت کولکاتا کے ساتھ ساتھ مشرقی اور مغربی مدنی پور کے ساتھ ہی جنوبی 24 پرگنہ ، جھاڑ گرام ، شمالی 24 پرگنہ اور ہوڑہ اور ہگلی میں بھی تیز بارش کی توقع کی جارہی ہے۔اسی طرح کا موسم ہفتہ تک رہے گا۔ شمالی بنگال کے اضلاع میں بھی بارش کا سلسلہ جاری رہے گا۔گرج چمک کا امکان بھی ہے جس کی وجہ سے لوگوں کو جان و مال کا نقصان ہوسکتا ہے لہٰذا کسی کو بھی مشورہ نہیں دیا گیا ہے کہ وہ بلا وجہ گھر سے نہ نکلے۔ ماہی گیروں کو سمندرمیں جانے کی اجازت نہیں ہے۔محکمہ موسمیات کے مطابق جمعرات کو کولکاتا کا زیادہ سے زیادہ درجہ حرارت 34 ڈگری سینٹی گریڈ ریکارڈ کیا گیا جبکہ کم سے کم درجہ حرارت 26.6 ڈگری سینٹی گریڈ رہا جو معمول سے ایک ڈگری زیادہ ہے۔محکمہ کے مطابق زیادہ سے زیادہ درجہ حرارت میں کمی دو دن تک جاری رہے گی۔ سطح سمندر پر کم دباو¿ کی وجہ سے بارش کا سلسلہ اگلے ہفتے تک جاری رہ سکتا ہے۔