مالدہ،29،جون :مالدہ ضلع میں گلاب گنج چوکی کی پولس نے جھارکھنڈ کے چار افراد کو بی جے پی کے نام پلیٹ والی گاڑی میں افیون گم کے ساتھ چار افرادکوگرفتار کیا۔ پولس نے بتایا کہ ملزمان کو اتوار کی رات دیر گئے کالیاچک تھانہ کے تحت گلاب گنج علاقے میں مہم چلاتے ہوئے گرفتار کیا گیا۔ ان کے پاس سے 2.6 کلو پوست کا سامان برآمد ہوا۔ اس کے علاوہ پولس نے ایک ہزار روپے نقدی ، موبائل اور شناختی کارڈ ضبط کرلیا۔ ملزمان کے نام نعیم انصاری ، امتیاز انصاری ، توفیق انصاری اور پردیپ کمار مہتو ہیں۔ یہ سب جھارکھنڈ کے رانچی تھانہ کے ما تحت راجہ ڈیرا چھٹی اور انگڑا علاقے کے رہائشی ہیں۔ بی جے پی انگڑا منڈل بھارتیہ جنتا پارٹی کے خزانچی کا نام پیلیٹ گاڑی سے افیون گم ضبط ہونے کے واقعے سے ہلچل مچ گئی۔ پولس نے بتایا کہ ضبط شدہ افیون کے گوند کی قیمت لاکھوں میں بتائی جارہی ہے۔ پولس اس بات کا پتہ لگارہی ہے کہ جھارکھنڈ کے بی جے پی رہنما کی گاڑی افیون گم اسمگل کرنے کےلئے استعمال ہورہی تھی۔پوست کا سامان کہاں سے حاصل کیاگیا ہے ۔ پولس بھی ان سے تفتیش کر رہی ہے۔ پولس ذرائع کے مطابق اتوار کی شب گولڈ گنج چوکی آفیسر انارچ رام ساہا کی قیادت میں بس اسٹینڈ علاقے سے ڈرائیو ر سمیت گاڑی کو ضبط کر لیا ۔جس پرجھارکھنڈ نمبر پلیٹ کی اس کار میں بی جے پی کی انگڑا منڈل کمیٹی کے خزانچی کا نام پلیٹ تھا۔ دوسری طرف بی جے پی کے ضلع صدر گوبند منڈل کے ذریعہ بتایا گیا کہ انہیں اس کے بارے میں معلومات موصول ہوگئی ہیں۔ کالیاچک ٹین نمبر بلاک کے صدر سنتوش منڈل نے انہیں اس سلسلے میں آگاہ کیا ہے۔ انہوں نے کہا کہ انہوں نے جھارکھنڈ کی بی جے پی قیادت سے اس پر تبادلہ خیال کیا ہے۔ انہوں نے کہا کہ پارٹی کے قواعد کے مطابق کسی بھی کمیٹی کے خزانچی پر نام پلیٹیں لگانا کوئی قاعدہ نہیں ہے۔ انہوں نے کہا کہ کچھ سماج دشمن عناصر بی جے پی میں نام پلیٹیں استعمال کرکے آنے کے بعد منشیات کی اسمگلنگ میں مصروف ہیں۔یہ پوسٹ پارٹی میں نہیں ہے۔ نیز پلیٹ لگانے کا رواج پارٹی میں نہیں ہے۔ انہوں نے کہا کہ اس پورے واقعے کی اطلاع جھارکھنڈ بی جے پی قیادت کودے دی گئی ہے اور ساتھ ہی رانچی پولس سے تبادلہ خیال کیا جارہا ہے۔ ویسے اس معاملے پر سیاست بھی شروع ہوگئی ہے۔ ترنمول کے ضلع ایگزیکٹو صدر ببلہ سرکار نے بتایا کہ بی جے پی کی گاڑی سے منشیات کے ساتھ چار افراد کو گرفتار کیا گیا ہے۔ انہوں نے کہا کہ یہ بات واضح ہے کہ اس پارٹی رہنماو¿ں کی گاڑی کس کام اور کس طرح استعمال ہوئی ہے۔ انہوں نے کہا کہ ان کی پارٹی اس کی شدید مذمت کرتی ہے۔ اسی دوران ، ایس پی آلوک راجوریہ نے بتایا کہ جھارکھنڈ نمبر کار سمیت چار افراد کو افیم گم کے ساتھ گرفتار کیا گیا ہے۔پولس پورے واقعے کی تحقیقات کر رہی ہے۔
Comments are closed.