بی ایس ایف کی فائرنگ سے کمانڈر سمیت دو جوان جاں بحق

رائے گنج:4،اگست: شمالی دیناج پور ضلع کے رائے گنج میں بی ایس ایف کے جوان کی فائرنگ سے کمانڈر سمیت دو جوانوں کی ہلاکت کے واقعے پر پورے علاقے میں خوف و ہراس پھیل گیا۔ رائے گنج تھانہ کے بھٹون گرام پنچایت کے مالد کھنڈ کے سرحدی علاقے میں ، منگل کی صبح سویرے اس واقعے کے بعد علاقے میں سنسنی پھیل گئی۔ پولس ذرائع کے مطابق بی ایس ایف کے جاں بحق جوانوں کے نام کمانڈنٹ مہیندر سنگھ بھٹی اور ایک اور بی ایس ایف جوان انوج کمار بتائے جارہے ہیں۔ رائے گنج تھانہ کی پولس موقع پر پہنچ گئی اور واقعے کی چھان بین شروع کردی۔ پولس نے بتایا کہ تھانہ رائے گنج کے بھٹون گرام پنچایت کے مالد کھنڈ کے سرحدی علاقے میں صبح ساڑھے تین بجے کے قریب بی ایس ایف کے جوان اور اتم ستر دھر نے اپنی رائفل سے فائرنگ کی۔ فائرنگ کے نتیجے میں کمانڈنٹ مہندر سنگھ بھٹی اور بی ایس ایف کے ایک اور جوان انوج کمار کو گولی مار کر ہلاک کردیا ، جس سے دونوں موقع پر ہی ہلاک ہوگئے۔ یہاں ، بی ایس ایف کے جوان کی فائرنگ کی اطلاع ملتے ہی رائے گنج تھانہ کے ڈی ایس پی پرساد پردھان اور آئی سی سورج تھاپا پولس کے ساتھ موقع پر پہنچ گئے اور واقعے کی تفتیش شروع کردی۔ رائے گنج کے پولیس سپرنٹنڈنٹ سمیت کمار نے فون پر بتایا کہ آج صبح تقریبا ساڑھے تین بجے بی ایس ایف کے جوان اتم ستردھر نے اپنی رائفل سے فائرنگ کی جس میں دو فوجی ہلاک ہوگئے۔ انہوں نے کہا کہ بی ایس ایف کے جوان اتم ستردھر نے گولی کیوں چلائی؟ پولس اس کی تحقیقات کر رہی ہے۔ اسی اثنا میں مقامی پنچایت ممبر پرکاش برمن نے بتایا کہ صبح کی خبر آئی کہ بی ایس ایف کے دو جوانوں کی لاش پڑی ہے۔ انہوں نے بتایا کہ واقعہ کس طرح پیش آیا یہ تفتیش کا معاملہ ہے۔ اس وقت یقینی طور پر کچھ نہیں کہا جاسکتا۔