کوچ بہار،07،جون :کوچ بہار میں صحت کارکن سمیت کورونا کے کل 14 نئے کیسز سامنے آئے ہیں۔ اس کے ساتھ ہی کوچ بہار ضلع میں کورونا کے مریضوں کی کل تعداد 157 ہے۔ ہو گئی ہے جبکہ ضلع میں کورونا کے 126 فعال کیسز رپورٹ کیے جارہے ہیں۔ کورونا سے متاثرہ صحت کارکن کوچ بہار شہر کا رہائشی بتایا جاتا ہے۔ انتظامیہ نے اس علاقے کو کنٹینمنٹ زون قرار دیا ہے۔ کوچ بہار کے ضلعی افسر پون کڈیان نے بتایا کہ کورونا سے متاثرہ صحت کارکن حال ہی میں جھارکھنڈ سے واپس آیا تھا۔ دوسری طرف یہ بھی معلوم کیا جارہا ہے کہ آیا وہ ڈسٹرکٹ آفس کے سامنے سی ایم او ایچ کے حالیہ تبادلے کے خلاف احتجاج میں شریک تھا یا نہیں۔ اسی دوران ضلع انتظامیہ کی جانب سے حال ہی میں کورونا تفتیش کےلئے بھیجے گئے 54 نمونوں کی رپورٹ منفی رہی ہے۔ ان میں کوچ بہار ڈسٹرکٹ چیف ہیلتھ آفیسر اور ایک کے جوائنٹ چیف آفیسر شامل ہیں۔ واضح ر ہے کہ گذشتہ روز کورونا کے پانچ واقعات سامنے آنے کے بعد کچھ علاقوں کو کنٹینٹ زون قرار دیا گیا ہے۔ ان علاقوں میں دن ہاٹابڑاشال ماری II بلاک ، کھاریا رتریگچھ اوربڑا اتیا باڑی ،بڑا اتیا باڑی جنوب دونمبر گرام پنچایت ایریا شامل ہیں۔
Comments are closed.