حکومت کورونا سے بچاو کیلئے شہر اور مضافات میں تنہا رہنے والے بزرگوں کی فہرست ترتیب دیگی

کولکاتا،/8اگست: ریاست میں کرونا سے بچنے کےلئے درست معلومات درکار ہیں۔لہٰذا تنہا رہنے والے بزرگ شہریوں کے لئے ایک درست انفارمیشن بینک بنانے کے لئے ایک اہم فیصلہ کیا گیا ہے۔یہ فہرست کولکاتا، ہوڑہ اور بدھان نگر کارپوریشن علاقوں میں تن تنہا بزرگ شہریوں میں وبا کو روکنے کےلئے تیار کی جارہی ہے۔سکریٹری داخلہ الپن بندھوپادھیائے نے یہ ہدایت دی ہے۔ سکریٹری داخلہ نے کہاکہ کولکاتا ، ہوڑہ اور بدھان نگر میں تنہا رہنے والے افراد کی ایک فہرست تیار کی جائے گی۔ یہ عمل 3-4 دن میں مکمل کیا جانا ہے۔ ان شہروں میں کال سینٹر پر مبنی خدمات کو بڑھانے کا فیصلہ کیا گیا۔”دیہی اور کچی آبادی والے علاقوں میں صحت کارکنوں کے سروے سے کرونا معلومات دستیاب ہیں ، لیکن کثیر المنزلہ رہائشی علاقے میں اکیلے مقیم شہریوں کی کوئی فہرست موجود نہیں ہے۔وہ مزید پریشانیوں میں مبتلا ہیں۔ لہٰذا اگر آپ سنسرشپ کے ذریعہ صحیح معلومات حاصل کریں تو اس سے نمٹنا آسان ہوگا۔