منصفانہ اور پرامن انتخاب کے بغیر جمہوریت کی بحالی ممکن نہیں : گورنر

کولکاتا،29جولائی:منصفانہ اور پرامن ماحول میں انتخابات کے بغیر جمہوریت کا قیام ممکن نہیں۔ بدھ کے دن مغربی بنگال گورنر جگدیپ دھنکھڑ نے ٹویٹ کیا۔انہوں نے لکھا کہ یہ ایک ابدی اصول ہے کہ آپ دنیا میں جو بھی تبدیلی لانا چاہتے ہیں تبدیلی کو پہلے لانا ہو گا جو تبدیلی آپ دیکھنا چاہتے ہو وہ سب سے پہلے اپنے اندر ہونے والی بات ہے۔ وزیر اعلیٰ ممتا بنرجی کو یہ سمجھنا چاہئے کہ بنگال میں جمہوریت کے قیام کےلئے منصفانہ اور خوف سے پاک ماحول میں انتخابات کا انعقاد ضروری ہے۔ واضح ہو کہ گورنر دھنکھڑ کی ممتا حکومت کے ساتھ زبانی جنگ ایک طویل عرصے سے جاری ہے۔ پیر کے روز نام لئے بغیر وزیر اعلی ممتا بنرجی نے وزیر اعظم سے گورنر سے شکایت کی۔ اس کے بعد انہوں نے بھی ٹویٹ کیا اور حملہ کیا۔ صرف یہی نہیں گورنر مستقل طور پر یہ الزام لگاتے رہے ہیں کہ بنگال میں جمہوریت کا خون کیا گیا ہے۔انہوں نے متعدد بار آزادانہ اور منصفانہ انتخابات کا معاملہ اٹھایا ہے۔گذشتہ ہفتے انہوں نے ریاست میں سیاسی تشدد اور امن و امان پر مرکزی وزیر داخلہ امیت شاہ سے بھی ملاقات کی۔