اسپتال کی چوتھی منزل سے چھلانگ لگانے والے مریض کی حالت سنگین

کولکاتا09 اکتوبر: دارالحکومت کولکاتا کے بہالہ پولس اسٹیشن علاقے میں ایک مریض اسپتال کی چوتھی منزل سے کود گیا ہے۔ فی الحال اس کی حالت کافی تشویشناک ہے۔ یہ واقعہ صبح سات بجے کے ایک نجی اسپتال میں پیش آیا۔ اس واقعے نے اسپتال کے احاطے میں ہلچل مچا دی۔ اسپتال کے اہلکار الجھن میں ہیں کہ اس نے چھلانگ کیوں لگائی؟ بتایا جاتا ہے کہ دلیپ بورا (66) کو بدھ کے روز ہرنیا کے آپریشن کے لئے نجی اسپتال میں داخل کیا گیا تھا۔ جمعرات کو اس کی سرجری ہوئی۔ تب سے وہ اسپتال میں زیر علاج ہے۔ عینی شاہدین نے دعوی کیا کہ وہ جمعہ کے روز اسپتال کی چوتھی منزل سے کود گیا۔ جس جگہ دلیپ کا علاج کیا جارہا تھا ، اس کی کھڑکی کا شیشہ ٹوٹ گیا ہے۔ اسپتال حکام نے دعویٰ کیا کہ وہ کھڑکی کا شیشہ توڑ کر چوتھی منزل سے کود پڑے۔ چوتھی منزل سے کودنے سے اس کے جسم کے مختلف حصوں کو چوٹیں آئیں۔ نجی اسپتال کے عملے نے اسے تشویشناک حالت میں بچایا ہے۔ علاج شروع کردیا گیا ہے۔ بہلا پولس نے واقعے کی تفتیش شروع کردی ہے۔