دیہی اسپتال میں مریضوں کاداخلہ نہیں ملنے سے پریشانی

علی پور دوار،16،جون :آج نوٹس جاری کرکے مریضوں کی بھرتی پر اسپتال سپرنے پابندی عائد کردی ۔ ضلع محکمہ صحت علی پوردوار نمبر دو بلاک کے بھاٹی باڑی گرام پنچایت کے تحت بھاٹی باڑی رورل اسپتال کو پری کویڈ اسپتال میں تبدیل کرنے پر غور کررہا ہے۔ علی پوردوار ضلع میں آیوش اسپتال کے بعد ، محکمہ صحت کے عہدیدار بھاٹی باڑی رورل اسپتال کو پری کویڈ اسپتال میں تبدیل کرنے کی بھرپور کوششیں کر رہے ہیں۔ اسی سلسلے میں بھاٹی باڑی آبادی رورل اسپتال کے سپر نے 31 مئی کو نوٹس جاری کیا۔ نوٹس میں کہا گیا ہے کہ 31مئی کی شام 5 بجے سے کسی بھی مریض کواس اسپتال میں داخل نہیں کیا جائے گا۔ کہا جاتا ہے کہ 16 دن کے خاتمے کے باوجود محکمہ صحت کی جانب سے 31 مئی سے دیہی اسپتال کو پری کویڈاسپتال میں تبدیل کرنے کا کوئی اقدام نہیں کیا جا رہا ہے۔ اہم بات یہ ہے کہ آس پاس کے بیشتر افراد طبی علاج کےلئے اس اسپتال پر منحصر ہیں۔ ایسی صورتحال میں گزشتہ 16 دنوں سے اسپتال میں کسی بھی طرح کے مریض داخل نہ ہونے کی وجہ سے لوگوں کی پریشانی میں اضافہ ہوا ہے ۔ جب بھاٹی باڑی رورل اسپتال کو پری کویڈ اسپتال میں تبدیل کرنے کے بارے میں پوچھا گیا تو کمارگرام کے ایم ایل اے اور ریاست کے سابق قبائلی بہبود وزیر نے کہا کہ وہ اس سے واقف نہیں ہیں۔ انہوں نے کہا کہ وہ اس بارے میں صحت کے دفتر سے معلومات لیں گے۔ دوسری طرف ، علی پوردوار ضلع کونسل کی ڈپٹی چیئرمین ، شیلا داس نے بتایا کہ وہ اس بارے میں محکمہ صحت کے عہدیداروں سے بات چیت کریں گی۔ اسی دوران بھاٹی باڑی علاقے کے ترنمول یوتھ رہنما ، رانا پال نے بتایا کہ اسپتال میں مریضوں کی عدم موجودگی کی وجہ سے عوام بہت پریشانی کا شکار ہیں۔ انہوں نے کہا کہ محکمہ صحت کے عہدیداروں کو اس پر غور کرنا چاہئے۔