تلجلا:ناجائز تعلقات کے شبہ میںبیوی پر فائرنگ اسلحہ سمیت شوہر گرفتار

کولکاتا،30،اکتوبر: غیر قانونی تعلقات کے شبہے میںکولکاتہ کے تلجالہ علاقے میں ایک شخص نے اپنی بیوی کو فائرنگ کر دی۔ گولی خاتون کو چھونے کے بعد نکل گئی۔بیوی نے فرار ہوکر اپنی جان بچائی۔ اس واقعہ سے علاقے میںسنسنی پھیل گئی۔ ملزم شوہر کا نام واحد علی بتایا جاتا ہے۔ بیوی نے شوہر کے خلاف تلجلہ تھانے میں شکایت درج کرائی ہے۔ ملزم کو تھانہ تلجلہ کی پولس نے گرفتار کیا ہے۔ پولس نے ملزم کے گھر سے اسلحہ برآمد کرلیا ہے۔پولس ذرائع نے بتایا کہ 96 توپسیا روڈ کے رہائشی واحد کوئی کام نہیں کرتاہے۔ اس کی اہلیہ اپنی فیملی چلانے کےلئے ایک پارلر میں کام کرتی تھی۔ وہ حسب معمول بدھ کے روز کام پر گئی تھی۔ کسی وجہ سے اسے گھرواپس آنے میں دیر ہوگئی۔ اس سے واحد کے ذہن میں یہ شبہ پیدا ہوا کہ اس کی اہلیہ ناجائز تعلقات میں ملوث ہے۔ جب بیوی لوٹی تو واحد نے اس پر فائرنگ کردی۔ کسی طرح وہ عورت بچ گئی۔اس خاتون کا الزام ہے کہ شادی کے بعد سے ہی واحد اسے ذہنی اور جسمانی تشدد کا نشانہ بنا رہا ہے۔ پولس نے بیوی کے الزامات کی بنیاد پر ملزم کی تلاش میں گھر پر چھاپہ ماری کی۔ تلجلہ تھانہ کی پولس نے واحد کو تھوڑی دیر بعد گرفتار کرلیا۔ پولس نے بتایا کہ واحد کے خلاف متعدد دفعات کے تحت مقدمہ درج کیا گیا ہے۔