میٹرو ریل کی سروس آیندہ ماہ سے کوی سبھاش اور دکھنیشور تک شروع ہوجائے گی

کولکاتا 9 اکتوبر۔ کولکاتا میٹرو کولکاتا لائف لائن کہا جاتا ہے اب اگلے مہینے سے دکھنیشور تک چلے گی۔ دکنیشور سے اب صرف ایک گھنٹہ میں نیو گوڑیا سے پہنچا جاسکتا ہے۔ کرایہ بھی محض 30 روپے ہوگا۔بتادیں کہ نواپاڑا تک چلنے والے میٹرو کا کرایہ 25 روپے ہے۔ ایسی صورتحال میں جب میٹرو دکنیشور جائے گی مسافروں کو 5 روپے زیادہ ادا کرنے ہوں گے۔ یعنی دکنیشور تک پہنچنے کے لئے مجموعی طور پر 30 روپے ادا کرنے پڑتے ہیں۔ نواپاڑا سے دکنیشور تک 2 اسٹیشن ہیں۔ ایک بڑا نگر ہے اور دوسرا دکنیشور۔ نواپاڑا سے دکنیشور کا فاصلہ 4.2 کلومیٹر ہے۔ یہ دونوں اسٹیشن اب میٹرو سروس کے لئے مکمل طور پر تیار ہیں۔ موصولہ اطلاع کے مطابق دکنیشور صرف 7 منٹ میں نواپاڑا سے پہنچا جاسکتا ہے۔دریں اثنا اگر سب کچھ ٹھیک رہا ہے تو کمشنر ریلوے سیفٹی (سی آر ایس) کے عہدیدار رواں مہینے میں بڑا نگر اور دکنیشور اسٹیشنوں کا دورہ کریں گے۔ جیسے ہی کمشنر ریلوے سیفٹی کلیئرنس جاری ہوجائے گا مسافر نومبر سے کاوی سبھاش سے براہ راست دکنیشور جاسکیں گے۔ اس میں کوئی شک نہیں ہے کہ ہگلی اور ہوڑہ کے لوگوں کا ایک بڑا طبقہ اس سروس سے بہت فائدہ اٹھا سکے گا جو باقاعدگی سے وسطی شمالی اور جنوبی کولکاتا میں کام کرنے جاتے ہیں۔