آن لائن خریداری کر کے بنگلہ دیش اسمگل کرنے والے بی ایس ایف نے کیاریکٹ کا پردہ فاش

کولکاتا،14اکتوبر: بارڈر سیکورٹی فورس (بی ایس ایف) نے بنگال میں ایک غیر معمولی ریکیٹ کا پردہ فاش کیا ہے ، جس میں انڈیا سے موبائل فون اور دیگر سامان اسمگلروں کی سہولت کےلئے بنگلہ دیش کی سرحد کے قریب واقع مقامات پر بھیجا جاتا ہے۔
اس سلسلے میں ، بی ایس ایف 112 ویں بٹالین کے اہلکاروں نے شمالی 24 پرگناس ضلع میں بین الاقوامی سرحد کے قریب اموڈیا بارڈر چوکی سے ایک مشہور ’ای کامرس ‘کمپنی کے ڈلیوری ایجنٹ کو اسمگل شدہ سامان کے ساتھ گرفتار کیا۔
اس کے پاس سے قریب 4 لاکھ روپے مالیت کے 10 موبائل فونز ، 17 ساڑیاں اور دوائیں برآمد ہوئی ہیں ، جن کا اس کے پاس کوئی بل نہیں تھا۔ گرفتار شخص کی شناخت اخترول غازی (28) ساکن گاو¿ں حکیم پور کے رہائشی کے طور پر کی گئی ہے۔
بی ایس ایف کے مطابق ، دوران تفتیش ، انہوں نے دعویٰ کیا کہ ان کے منیجر نے ان سے اس سامان کی کھیپ بنگلہ دیش کی سرحد پر واقع حکیم پور میں ایک شخص کو پہنچانے کو کہا تھا۔ اس کے بعد یہ سامان یہاں سے بنگلہ دیش بھیجا جائے گا۔
یہاں ، بی ایس ایف کے ساو¿تھ بنگال فرنٹیئر کے ایک سینئر افسر نے بتایا کہ ہم اکثر بارڈر کے قریب ڈیلیوری مین لڑکے دیکھے جاتے تھے ، لیکن یہ بات ہمارے ذہن میں کبھی نہیں آئی کہ وہ اسمگلنگ کےلئے سامان پہنچا رہے ہیں۔
تاہم ، اموڈیا کی سرحدی چوکی میں ، ہمارے فوجیوں نے انٹلیجنس ان پٹ کی بنیاد پر غازی کو اس وقت روکا جب وہ سامان بھیجنے جارہا تھا۔ اس کے پاس سے 10 موبائل فون ، 17 ساڑیاں اور دوائیں برآمد ہوئی ہیں۔ اس کے پاس کوئی بل نہیں تھا۔
پوچھ گچھ کے دوران ، اس نے بتایا کہ وہ پچھلے 2 ماہ سے آن لائن کمپنی کے مسند پور کے دفتر میں ڈلیوری مین کے طور پر کام کر رہا ہے۔ انہوں نے دعوی کیا کہ ان کے آفس کے منیجر تپن داس نے انہیں سامان دیا تھا جو اسے حکیم پور میں کسی کو دینا تھا۔
منیجر نے اس شخص کا موبائل نمبر دیا جس نے سامان پہنچانا تھا۔ بی ایس ایف نے ضبط شدہ اشیاءکے ساتھ غازی کو مزید کارروائی کےلئے ٹینٹولیا کسٹم حکام کے حوالے کردیا ہے۔
بی ایس ایف افسر نے کہا کہ یہ معلوم کرنا ضروری ہے کہ سامان کو آن لائن آرڈر کس نے کیا اور کون اس اسمگلنگ ریکیٹ میں ملوث ہے۔ کمپنی کے منیجر کو آن لائن جاننے کی کوشش کی جارہی ہے۔ یہاں ، اس طرح کا پہلا معاملہ سامنے آنے کے بعد بی ایس ایف سرحد پر مزید چوکس ہوگیا ہے۔