دوارِ دوارِسرکار منصوبے کا آغاز

کولکاتا،یکم،دسمبر:مغربی بنگال میں ، ترنمول کانگریس انتظامیہ نے 2021 کے اسمبلی انتخابات کے پیش نظر منگل کے روز ‘دوارِ سرکار’ مہم کا آغاز کیا۔ اس پروگرام کا مقصد یہ یقینی بنانا ہے کہ لوگوں کو ریاست کی 11 سرکاری فلاحی اسکیموں کا فائدہ ملے۔ یہ پروگرام 30 جنوری تک چلے گا۔ ریاست کی 294 رکنی اسمبلی کے لئے انتخابات اگلے سال اپریل سے مئی میں ہوں گے۔ یہ پروگرام چار ماہ میں دو مہینوں تک چلایا جائے گا۔ یہاں ایک وارڈ آفس کا افتتاح کرتے ہوئے وزیر بلدیات کے امور فرہاد حکیم نے کہا کہ ہماری حکومت نے اس بات کا تدارک کرنے کے لئے تغیراتی اقدامات اٹھائے ہیں کہ کوئی بھی ان اسکیموں کے فوائد سے محروم نہ رہے۔مستحق افراد کو فوائد ملیں گے۔ مثال کے طور پر ، ‘سواستھ ساتھی ‘ ریاست کی پوری آبادی کو فائدہ پہنچائے گا۔ انہوں نے کہا کہ اس مقصد کےلئے لگائے گئے کیمپوں کے ذریعے فائدہ اٹھانے والوں کو 11 سکیموں کا فائدہ فراہم کیا جائے گا۔ ان کیمپوں میں روزانہ صبح 10 بجے سے شام 4 بجے تک کام کیا جائے گا۔ تاہم ، ریاستی بی جے پی کے سربراہ دلیپ گھوش نے الزام لگایا ہے کہ ترنمول حکومت نے لوگوں کے پیسوں کا استعمال کرکے یہ الیکشن شروع کیا ہے۔ گھوش نے کہا کہ وہ لوگوں کی رقم انتخابی مہم کےلئے استعمال کررہے ہیں۔ اگر ریاستی حکومت کو 10 سال بعد ایک مہم شروع کرنا ہے تاکہ اس بات کا یقین کر لیا جاسکے کہ اسکیموں کے فوائد ہر ایک کو پہنچیں تو ، ترنمول کے رہنماو¿ں کو شرم آنی چاہئے۔ حکیم نے کہا کہ گھوش کو پہلے ان الزامات پر ردعمل ظاہر کرنا چاہئے۔ اس سوال کا جواب دینا چاہئے کہ بی جے پی کے عوام نے اپنی انتخابی مہم کےلئے مرکز میں کتنا پیسہ استعمال کیا۔